يعني أية سيو ؟
ما هو السيو ؟
كيفية تطبيق السيو ؟
أعتقد
ان الكل بمجرد ما يسمع كلمة سيو بيبدأ يقول ان دة حاجة مش مفهومه وحاجة صعبة , لكن
في الحقيقة الموضوع مختلف تماماً , لأن السيو هو تهيئة الموقع لمحركات البحث .
بمعني أن الموقع يكون متناسب مع اللي بيطلبة جوجل . أو بمعني أخر و هو ان الموقع
يكون زي ما جوجل عايز . ولما يكون الموقع بيعمل اللي جوجل عايزة في الحالة دي
بيبدأ يعطي له ترتيب مرتفع علي الكلمة المفتاحية اللي هو محددها . وطبعاً لازم
نقول ان كلمة سيو اللي هي بالأنجليزية SEO , هي في الأصل
أختصار لكلمة Search engine
optimization . و ممكن تكون للكلمة معني أخر وهي أستمثال محركات
البحث . و في جميع الأحوال السيو معناه انك بتعمل اللي جوجل بيحبه او أي محرك بحث
أخر .
ناس
كتير بتسأل عن البداية في السيو , أبداً منين أو أعمل أية و اسوي اية علشان أكون
عملت سيو علي موقعي , في البداية ,لازم تعرف إن السيو مش له أي نقطة بداية , بمعني
أنك ممكن تبدأ من النصف , وبعدين ترجع للاول .. الخ , ولكن الناس غالباً بتسألني
هي اية البداية .. أو أعمل اية الأول .. ودايماً الأجابة بتكون يا فلان .. أول
حاجة تعملها تبدأ تكتب محتوي , وغالباً الأجابة بتكون .. سهله النت مليان مواضيع
.. وطبعاً بتكون إجابتي .لأ طبعاً المحتوي لازم يكون محتوي مميز وحصري وغير منقول
و بيعبر عنك ومضمن مع المحتوي دة رابط بروفايلك علي جوجل بلس ... وبتكون النظرة
غالباً نظرة تشاؤمية .
لكن
أنا عايز أقول ان الموضوع مش فية أي تشاؤم لأن الموضوع سهل جداً . كل اللي أنت
مفروض تعمله أنك تكتب موضوع حصري و الموضوع لابد أنه يكون مكون من فقرات و طبعاً
كل فقرة لا بد أنها تكون مكونة من عدد معين من الكلمات , والعدد دة هو من 100 كلمة
إلي 150 كلمة . وأحياناً بلاقي ناس تسألني أزاي أعرف عدد الكلمات الموجودة بداخل
المقالة , أو أنا كتبت فقرة عن موضوع مثلاً ولنفترض أنه عن "السيو" أزاي
أقدر أعرف عدد الكلمات ؟ وطبعاً بيكون الرد هو أن في برامج وطبعاً برنامج مثل
برنامج Microsoft Word بيتيح لك إمكانية معرفة عدد الجمل من خلال تحديد
النص المطلوب معرفة عدد كلماته و بعد ذلك الضغط علي Tools > Word Count وطبعاً حتظهر صفحة منبثقة حتقول لك علي عدد
الكلمات . وحيظهر لك بيان بعدد الكلمات في المقالة بالكامل و عدد الكلمات في السطر
المحدد .
وبطبيعة
الحال لابد كشخص حتتعامل أو حتشتغل في السيو أنك تكون عارف ان في حاجة أسمها
الكلمات المفتاحية و أحنا ان شاء الله حنغطي الكلمات المفتاحية في درس أخر قريب
بأذن الله , لكن لا بد أنك تكون عارف ان في حاجة اسمها الكلمات المفتاحية اللي
بترجم بالأنجليزية لكلمة KeyWords
و الكلمات المفتاحية لا بد
من استعمالها بداخل كل مقالة, لأن من خلال استهداف كلمات مفتاحية حتيجي لنا زيارات
. فلو أستهدفت كلمة مفتاحية في موضوعك أو في موقعك و الكلمة المفتاحية كان عليها
بحث في الحالة دي حيدخل لك زيارات بعدد البحث عن الكلمة أو بكمية أقل . وطبعاً
تقدر تعرف معلومات عن الكلمة المفتاحية الخاصة بيك من خلال زيارة جوجل
أدورد .
الكلمة
المفتاحية لو كانت السيو علي سبيل المثال لابد من الكلمة تكون مكررة بداخل المقالة
بشكل معقول علشان توضح وتبين لجوجل أن الكلمة محل أهمية , وللعلم نسبة تكرار
الكلمة بداخل المقالة لا بد أن يكون 5 % كحد أقصي أقل من كدة لو وصلنا لكثافة 4 أو
3 % دة حيكون شيء كويس ومش وحش .و القاعدة في السيو ان الكلمة لا بد انها تكون في التايتل لأن الكلمة لما تكون
في التايتل (عنوان الموضوع) دة حيأدي لظهورها في نتائج البحث اللي بتكون لونها
أزرق وقت البحث .
